Сульфацил-натрия (Московский эндокринный завод, 20%)

Натрий сульфацилі

Сульфацетамид

Көзге тамызатын дәрі, 20 %

1 мл ерітінді құрамында

белсенді зат – натрий сульфацетамиді (натрий сульфацилі) - 200 мг,

қосымша заттар: натрий тиосульфаты, хлорсутек қышқылының 1 М ерітіндісі, тазартылған су.

Мөлдір түссіз немесе сәл боялған сұйықтық

Көз ауруларын емдеуге арналған препараттар. Микробқа қарсы препараттар. Сульфонамидтер. Сульфацетамид.

АТХ коды S01AB04

Фармакокинетика

Көз тіндеріне және сұйықтығына өтеді. Қабынған конъюнктива арқылы жүйелі қан ағымына сіңеді.

Жергілікті қолданғанда сульфаниламидтер мөлдір қабықта (3 мг/мл жуық), алдыңғы камера ылғалында (0,5 мг/мл жуық) және нұрлы қабықта (0,1 мг/мл жуық) ең жоғары концентрациясына тамызудан кейінгі алғашқы 30 минутта жетеді. Аздаған мөлшері (0,5 мг/мл аз) көз алмасы тіндерінде 3-4 сағат бойы сақталады. Мөлдір қабықтың эпителий зақымдануында сульфаниламидтердің пенетрациясы күшейеді.

Фармакодинамикасы

Микробқа қарсы бактериостатикалық дәрі, сульфаниламид. Әсер ету механизмі пара-аминобензой қышқылымен бәсекелі антагонизммен, дигидроптероатсинтетаза бәсеңдеуімен, пуриндер мен пиримидиндер синтезіне қажетті тетрагидрофолий қышқылы синтезінің бұзылуымен жүзеге асады. Грамоң және грамтеріс кокктарға, Escherichia coli, Shigella spp., Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces israelii, Toxoplasma gondii қатысты белсенді.

Сульфацетамидке сезімтал микроорганизмдер туғызған кешенді ем құрамында.

- конъюнктивитте

- блефаритте

- мөлдір қабықтың іріңді ойық жарасында

- ересектердегі көздің создық және хламидиялық ауруларында

Тәулігіне 5-6 рет 1-2 тамшыдан конъюнктива қалтасына тамызады.

- ашыту

- көзден жас ағу

- шаншу

- көздің қышуы

- аллергиялық реакциялар

• препарат компоненттеріне жоғары сезімталдық

• балалар (2 айға дейінгі)

Прокаин және тетракаинмен бірге қолдану бактериостатикалық әcерін төмендетеді. Күміс тұздарымен үйлесімсіз.

Фуросемид, тиазидті диуретиктер, сульфонилмочевинаға немесе карбоангидраза тежегіштеріне жоғары сезімталдықпен пациенттер сульфацетамидке жоғары сезімталдық танытуы мүмкін.

Педиатрияда қолдану

2-айдан бастап

Жүктілік және лактация кезеңінде қолдану

Егер күтілетін емдік әсері ұрық немесе балаға әлеуетті қаупінен асып түссе, сульфацетамидті емдеуші дәрігердің тағайындауымен жүкті әйелдерді және бала емізетін аналарды емдеуге қолдануға болады.

Жүктілік, бала емізу кезінде жеткілікті қолдану тәжірибесі жоқ. Сульфаниламидтер плацента арқылы және емшек сүтіне өтеді Жүктілік кезінде аналары сульфаниламидтердің таблетка түрлерін қабылдаған жаңа туған нәрестелерде ядролық сарғаю дамуы мүмкін, сондықтан көзге тамызатын дәрі түрінде сульфаниламид қабылдағанда сарғаюдың даму қаупін жоққа шығару мүмкін емес.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тамызудан кейін көздің бұлыңғырлануы дамыған жағдайда анық көру қалпына келгенше көлік құралдарын басқарудан және жоғары зейін шоғырландыруды және реакция шапшаңдығын талап ететін қызмет түрлерімен шұғылданудан бас тарту қажет.

Симптомдары: көздің ашуы, шаншуы, көздің қызаруы, қабақтың ісінуі, жас ағуы.

Емі: препаратты қабылдауды тоқтату, симптоматикалық ем.

Шығарылу түрі және қаптамасы

Көзге тамызатын дәрі, 20 %.

1.5 мл-ден полимер тамшылатқыш-түбекте.

2 тамшылатқыш-түбектен препаратты медициналық қолдану жөніндегі мемлекеттік және орыс тілдеріндегі нұсқаулықтармен бірге картоннан жасалған қорапшаға салынады.

Жарықтан қорғалған жерде, 15 0С-ден аспайтын температурада.

Балалардың қолы жетпейтін жерде сақтау керек!

2 жыл

Тамшылатқыш-түбекті ашқаннан кейін – 7 тәулік.

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

«Мәскеу эндокринді зауыты» Федеральді мемлекеттік унитарлы кәсіпорны

Ресей, Мәскеу қ-сы, 109052, Новохохловская к-сі, 25 үй,

тел./факс +7 (495) 678-00-50, 911-42-10.

e-mail: mez@endopharm.ru

Өндірістің мекенжайы: Ресей, 109052, Мәскеу қ-сы, Новохохловская к-сі, 25 үй, 1 құр.,2 құр.

Тіркеу куәлігі иесінің атауы мен елі

«Мәскеу эндокринді зауыты» Федеральді мемлекеттік унитарлы кәсіпорны, Ресей Федекрациясы

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың қауіпсіздігін тіркеуден кейінгі қадағалуға жауапты ұйымның мекенжайы:

«Нестеренко А.Е.» ЖК, Қазақстан Республикасы, 050000, Алматы қ-сы, Мұқанов к-сі, 104 үй,

тел.: +7 7273271602, +7 7077862629, +7 7058887587, факс +7 72796659,

e-mail: pharm_vigilance@mail.ru., ip_n_nesterenko@list.ru.